Прва работна седница МОУО

На 22 јануари 2026 година, во Офицерскиот Дом во Битола, со почеток во 10:00 часот ќе се одржи првата работна седница на Меѓуопштинскиот одбор за управување со отпад (МОУО), со што започнува оперативната фаза и исполнувањето на обврските на регионалниот систем за управување со отпад.   

На оваа седница на МОУО градоначалниците од 18 општини од Пелагонискиот и Југозападниот регион во својство на членови на Одборот, како и претставници на Министерството за животна средина и просторно планирање како и меѓународните партнери, ќе ги разгледат клучните активности што ќе го одбележат периодот што следи и ќе го насочат понатамошниот развој на регионалниот систем.

Работата на Меѓуопштинскиот одбор за управување со отпад е поддржана од проектот „Одржливо управување со отпад на локално ниво“, финансиран од Шведска и имплементиран од SALAR International, во соработка со општините и националните институции.