МОУО е управувачки механизам кој овозможува регионалните политики за управување со отпад и финансирањето да се преточат во реална испорака на услуги. МОУО е законска обврска и има цел да обезбеди траен механизам за координација на планирањето и инвестициите и подобрување на усогласеноста и на услугите во двата региона.

Одборот ќе овозможи спроведување на законите и национални стратешки определби од областа на управување со отпадот кои: 
 

• Налагаат регионализација на управувањето со отпад и воспоставување регионален систем за ефикасно и ефективно обезбедување услуги.
   
• Предвидуваат меѓуопштинска соработка за планирање (изработка и усвојување нов регионален план за управување со отпад), финансирање и управување со регионалната инфраструктура (санитарна депонија, претоварни станици, постројки за обработка на рециклабилни материјали).
   
• Утврдуваат обврски за усогласеност на општините како што се затворање/ремедијација на нестандардните депонии, дефинирање цели за селектираниот отпад, генерирање податоци и следење на учинокот како и утврдување тарифи засновани на објективни трошоци.
   
• Нудат усогласување со законодавството на ЕУ во кое спаѓаат Директивата за отпад, вклучувајќи ја и хиерархијата на отпад, целите за рециклирање и намалување на депонирање, што е предуслов за пристап до средства достапни од ЕУ, меѓународните финансиски институции и сродни донаторски програми.

МОУО ќе овозможи операционализација на овие законски обврски преку обезбедување формален форум и тело за одлучување кое што ќе ги усвојува регионалните планови, ќе ги разгледува итните прашања, ќе ги одобрува инвестициските планови, ќе се грижи за следењето и усогласеноста на програмите и ќе ја унапредува комуникацијата со граѓаните. Дополнително, во регионите се активни повеќе проекти за отпад кои бараат поблиска координација, а Одборот ќе биде вистинското место за размена на информации и отворена дискусија.