Консултативна средба со граѓанските организации од Пелагонискиот и Југозападниот регион

SALAR International, во соработка со општините од двата региона ја организира првата информативна и консултативна средба со граѓанските организации од Пелагонискиот и Југозападниот регион, со цел отворање конструктивен дијалог за процесите за воспоставување модерен и ефикасен систем за управување со отпад кои што се во тек.

Средбата се организира во рамки на проектот „Одржливо управување со отпад на локално ниво“ и има за цел да создаде простор за размена на ставови и идеи меѓу сите активни чинители во процесите, како и да се разгледаат можностите за активно, ефикасно и ефективно вклучување на граѓанскиот сектор во следните чекори од реформските процеси врзани со управувањето со отпадот.

На оваа средба со граѓанските организации, ќе се разгледаат можностите за вклучување на граѓанскиот сектор во:

• развојот на Регионалниот план за управување со отпад 2026-2032
• подготовката и спроведувањето на локалните акциски планови,
• унапредувањето на комуникацијата со јавноста и
• градењето меѓусебна доверба помеѓу институциите, граѓанските организации и граѓаните.

Датум: 29 јануари 2026 година Време: 11:00 часот Локација: Офицерски дом, Битола